Manger Musikklag reiser til World Music Contest (WMC) 2017 i Kerkrade, Nederland for å forsvare tittelen frå 2013
MML returnerer til det som kanskje er verdas største akustiske musikkfestival, World Music Contest i Kerkrade i Nederland, for å forsvare tittelen derfrå frå 2013. Allan Withington dirigerer MML, akkurat som sist korpset deltok på denne festivalen. I løpet av vekene før me reiser er me så heldige at me får øve både i Eikanger-Bjørsvik sine flotte lokaler i Knarvik, og i Soli Brass sine lokaler i Leeuwarden heilt nord-vest i Nederland. Soli er også vertskap for Allan Withington's Conductor Summer School som føregår heile den siste veka før WMC i Leeuwarden, der Allan både instruerer kursdeltakarane sine og dirigerer MML på alle øvingane før me reiser avgårde til Kerkrade.
Fleire av MML sine musikantar deltek også på dette dirigentkurset, og MML held konsertar både i Leeuwarden og Voerendal på veg til Kerkrade i løpet av dagane før WMC Kerkrade 2017. Følg med på våre sosiale medier på turen for meir hyppige oppdateringar enn det du vil sjå på desse nettsidene!
