Laurdag 16. november var det duka for Mangerfestivalen 2024. Manger Musikklag, under
leiing av fast dirigent, Tormod Flaten, fekk gleda og æra av å spele festkonserten. Det var fullsett sal i Radøyhallen og god stemning heile kvelden. Publikum fekk mellom anna høyre kjend musikk frå filmverda, for ikkje å snakke om at Tormod Flaten tok fram instrumentet og spelte solo, til gledje for alle i salen.
Manger Musikklag ønskjer å gratulere alle med ei fantastisk helg; deltakarar, arrangørar, dommarar, frivillige og alle som hadde noko med festivalen å gjere. Ein ekstra stor takk til Mangerfestivalen - takk for at me i år igjen fekk vere ein del av denne flotte helga!
No ser me fram til Dirigentlab førstkomande helg, før me skal førebu heile to julekonsertar. Håpar å sjå mange der - billettar kan ein få allereie no på Ticketco.
FOTO: MANGERFESTIVALEN
