BrassWind er ein årleg festival der konsertinnhaldet er retta mot ny musikk for korps og ensembler. Under festivalen møtest windband, brassband og ensemble, der flinke, engasjerte amatørar og skulekorpsmusikantar møter profesjonelle utøvarar, dirigentar og komponistar.


Manger Musikklag har sidan slutten av 1970-talet satsa tungt på ny musikk for brassband. Dette har ført til ei rekkje urframføringar og fleire cd-utgjevingar som har profilert både denne musikken og nye norske komponistar. Manger Musikklag skal urframføre minst eitt verk kvar sesong, og BrassWind-festivalen vart etablert av korpset i 2004 for å løfte denne musikken ytterlegare fram for nye publikum og lage ein god arena for ny musikk for korps.

Mange nye norske verk har fått si førsteoppføring under festivalen, også sceniske verk. BrassWind vart første gong arrangert i Teatergarasjen i Bergen i oktober 2004, og var ein stor suksess. Sidan den gong har festivalen vore arrangert i Logen Teater, Johanneskirken, Grieghallen, vore på turné til Os og Manger med dokumentaroperaen “Hypermusikal” under BrassWind-festivalen 2009, og “Hypermusikal” vart også framført i Den Norske Opera & Ballett i Bjørvika i Oslo av Manger Musikklag i 2011.

Manger Musikklag sitt arbeide med ny musikk var ein viktig kompetanse då musikklaget saman med komponist Torstein Aagaard-Nilsen starta arbeidet med festivalen i 2003. Manger Musikklag har ein bestillingspolitikk av ny musikk som passar festivalprofilen perfekt, og det er difor heilt naturleg at Manger Musikklag både eig og gjennomfører BrassWind – på dugnad.

BrassWind sin største suksess er dokumentaroperaen ”Hypermusikal” av Glenn Erik Haugland og Heidi Tronsmo, tinga til BrassWind 2009 med fire førestillingar under festivalen. Denne oppsetjinga førte til at MML, som første brassband nokonsinne, vart invitert til å setje opp to førestillingar i Den Norske Opera & Ballett i Bjørvika i Oslo. Den innovative dokumentaroperaen om og med MML vart ein suksess med over 600 selde billettar i Oslo aleine, og “Hypermusikal” hausta strålande kritikkar både i presse og hjå publikum.

 

Torstein Aagaard-Nilsen har vore BrassWind-festivalen sin kunstnariske leiar sidan oppstarten i 2004.


Manger Musikklag arrangerer sin sekstande BrassWind-festival i 2019

___________________________________

Deltakarar (utdrag):

 

Urframførte komponistar

 

Eilert Tøsse – Ørjan Matre – Ketil Hvoslef - Stig Nordhagen - Jostein Stalheim – Dagfinn Koch - Glenn Erik Haugland – Heidi Tronsmo - Camilla Skrede Johannessen – Terje Isungset – Torstein Aagaard-Nilsen – Knut Vaage - Jon Øivind Næss - Bjørn Kruse - Gary Peterson – Olav Anton Thommesen – Helge Sunde – Martin Winter - Webjørn Sæther – Geir Johnson - Ruben Sverre Gjertsen - James Clapperton – Paul McGhee - Fredrick Schjelderup - m.fl

 

Profesjonelle aktørar

 

Sjøforsvarets Musikkorps - Norwegian Brass Expo - BIT20 Ensemble – Bergen Filharmoniske Orkester Trompetensemble - Pinquins - Fine Arts Brass – Bergen Nye Trombonekvartett – Fløyboba - Norwegian Cornett & Sackbutts - Angedalen Bruuns Sextett - Det Norske Blåseensemble - Stockholm Chamber Brass -Tromsø Sinfonietta - Klang av Oldtid - Telemark Messingensemble - NyNorsk Messingkvintett - Ensemble Ernst - Momentum Brass - Saxifraga Quartet - m.fl

Solistar

Christian Lindberg – Arve Henriksen – Rolf-Erik Nystrøm – Marius Hesby – Bjørnar Habbestad - Eirik Gjerdevik - Rolf Borch – Erlend Aagaard-Nilsen – Ole-Henrik Mohn Pettersen - Jesper Juul - Christian Stene - Bente Illevold -  m.fl

 

Amatørkorps

 

Manger Musikklag – Dragefjellets Musikkorps – Stavanger Brass Band – Sandviken Ungdomskorps – Eikanger-Bjørsvik Musikklag – Krohnengen Brass Band – Oslofjord Brass - Manger Fhs Brass Band - Hordaland Ungdomskorps – m.fl

 

Skulekorps

 

Krohnengen Skoles Musikkorps – Manger Skulemusikklag – Tertnes Skoles Musikkorps – Midtun Skoles Musikkorps - Knarvik Skulemusikk -m. fl

Manger Musikklag

Postboks 83

N-5931 Manger
Norway

  • White Facebook Icon
  • White Instagram Icon
  • White Twitter Icon
  • White YouTube Icon

Bankgiro:

Vipps:


Org. nummer:

3636 50 24078
 

95263


984580045

© 2019 Manger Musikklag