MOT-ambassadørar

MOT styrkar ungdom si robustheit og mot gjennom forebyggande livsmeistringsprogram. MOT er ein haldningsskapande organisasjon som jobbar for og med ungdom, der målet er å bidra til robuste ungdommar som tek eigne val og bidreg til trygge ungdomsmiljø.


MOT arbeider ut frå tre kjerneverdiar:  

 

MOT til å leve:
 

  • Vere seg sjølv

  • Leie seg sjølv

  • Ha "passion"

  • Akseptere å ikkje alltid vere "bra"

     

MOT til å bry seg:
 

  • Skape godkjensla hjå andre

  • Vise respekt

  • Vise kjærleik

  • Vise omsorg for dei som er utanfor

     

MOT til å seie nei:

  • Prioritere

  • Stå for eigne verdiar

  • Våge å seie ifrå

  • Praktisere tøff kjærleik


Manger Musikklag sine medlemmer fungerer som positive førebilete for ungdom, og held fram med dette arbeidet som MOT-ambassadørar. Eit ambassadørlag skal forsterke MOT-bodskapet, og MOT samarbeider med norske topplag for å påverke spelarane til å vere gode førebilete og rollemodellar. 

MOTivatørane i Manger Musikklag jobbar primært mot skulekorpsa i regionen, eit arbeid som gjer MOT endå meir synleg på ungdommen si fritidsarena. MOT formulerer det slik: "Gjennom å bruke profilerte forbilder innenfor idrett og kultur til å fronte MOT sitt budskap, så forsterker vi MOTs effekt på målgruppa."

Alle skulekorpsmusikantar kjem gratis inn på samtlege konsertar som er i korpset sin regi. Nordhordland er eit heilt spesiell region på landsbasis med sitt høge nivå på skulekorpsa, og med det høge talet på ungdom som er aktive korpsmusikantar. Medlemmane i Manger Musikklag jobbar tett på ungdom kvar einaste veke som dirigentar og/eller instruktørar i lokale skulekorps, kulturskular, eller har undervisning i privat regi. Korpset arrangerer instrumentdagar, har sitt inn-øvingar, konsertar med lokale skulekorps, og er ellers aktive over store delar av landet i løpet av året som tilsette ved blant anna Norges Musikkorps Forbund sine musikkurs. Manger Musikklag er svært synlege på ungdom sin fritidsarena.

Ein ungdom sa: «MOT til å leve, MOT til å bry seg og MOT til å seie nei gjer det enklare for oss ungdommar å leve.»


Manger Musikklag har vore nasjonale MOT-ambassadørar sidan 2010.

Manger Musikklag

Postboks 83

N-5931 Manger
Norway

  • White Facebook Icon
  • White Instagram Icon
  • White Twitter Icon
  • White YouTube Icon

Bankgiro:

Vipps:


Org. nummer:

3636 50 24078
 

95263


984580045

© 2020 Manger Musikklag