top of page

Bestillingsverk til Manger Musikklag og BrassWind 2024

BrassWind og Manger Musikklag er svært nøgde med gjennomføringa av årets BrassWind-festival. Dette var den største og mest innhaldsrike festivalen til no med heile 12 konsertar på programmet. Vi ynskjer å takke alle artistar, dirigentar, komponistar og ikkje minst alle støttespelarar for eit fantastisk bidrag til festivalen.

Samstundes ser vi no fram mot neste år og 20-års jubileum for BrassWind festivalen. I samband med denne vil vi takke Kulturrådet/kulturdirektoratet for støtte til to store bestillingsverk på til saman 260 000 kr. Manger Musikklag har fått tilslag på bestillingsverk av Ingebjørg Vilhelmsen som hovudverk til jubileumskonserten. Det blir svært spennande med eit nytt stort verk og det er fyrste gong Vilhelmsen skal skrive for MML.

Ingebjørg Vilhelmsen uttaler:

«Tusen takk til Kulturrådet/Kulturdirektoratet for støtte til å skrive et bestillingsverk til Manger Musikklag i forbindelse med BrassWind-festivalens 20-årsjubileum i 2024! Komposisjonen vil være et større verk med varighet på 18-20 minutter, hvor hele brassbandet får musikalske utfordringer. Stykket skal blant annet utfordre teknikk, klang og -behandling, solistprestasjoner og kammermusikalsk samspill, og tøye grensene for dynamikk- og registerspenn. Samtidig er målet at stykket skal være interessant og givende for både musikerne og publikum.

Jeg har lenge hatt et ønske om å få anledning til å skrive til Manger Musikklag, så dette samarbeidsprosjektet ser jeg virkelig frem til!». Du kan lese meire om Vilhelmsen her: https://www.ingebjorgvilhelmsen.com/


BrassWind har og fått støtte til eit verk av Torstein Aagaard-Nilsen og ser

det som sjølvsagt at Torstein, som opphavsmann til festivalen, vert på programmet med ny musikk på jubileumsfestivalen. BrassWind vil takke Kulturrådet/kulturdirektoratet for støtte til eit nytt verk av Torstein for trompet, elektronikk og kyrkjeorgel som skal framførast i Bergen Domkyrkje.


Me gler oss allereie til neste år og vonar mang ynskjer å komme på den tyvende utgåva av BrassWind-festivalen hausten 2024!

Comments


bottom of page