Ein stor takk til dei som gjev seg i laget!

Det nærmar seg songstart og MML ser fram til ein særs innhaldsrik sesong. Ved oppstart av ny sesong vert det som regel nokre endringar i besetninga, så også i år.  Manger Musikklag ynskjer å rette ei stor takk til medlemmene som av ulike grunnar no avslutter si tid i laget. Medlemmer som sluttar er Sander Kvinge Haugsdal, Anne Lunde, Tallak Bertin Thorgrimsen-Stensvold, Kjetil Morken og Martin Franzen. Takk for særs god innsats, verv, store musikalske prestasjonar og gode fellesopplevingar gjennom mange år. 

F.v.: Anne Lunde, Tallak Bertin Thorgrimsen-Stensvold, Martin Frantzen, Sande Kvinge Haugsdal og Kjetil Morken

Ein ekstra takk til Martin Frantzen - ein bauta i laget i ei årrekkje!

Ein person ynskjer vi å rette ei særleg stor takk til, og det er Martin Frantzen. Ein ekte bauta i Manger Musikklag. Både musikalsk og organisatorisk har han vore ein berebjelke i laget gjennom mange år.   

Martin kom inn i musikklaget i sesongen 2009/10, og var med på å vinne NM allereie i sin fyrste sesong. Sida den gong har han vore med på flere sigrar, mellom anna Europameisterskapen i 2011, WMC i 2013 og ei rekkje siddissigrar. No, 16 år seinare, avsluttar han igjen som norgesmeister. 

Gjennom desse åra har Martin hatt ei rekkje viktige roller i laget. Frå 2013 til 2023 sat han i styret, der han har hatt ulike roller som styremedlem, kasserar og nestleiar. Han har i tillegg vore aktiv i fleire utval, og lagt ned ein ekstraordinær innsats i den daglege drifta av laget.

Martin har også spelt ei viktig rolle sosialt. Med si evne til å skape tryggleik og trivsel rundt seg, har han vore ein viktig støttespelar både for nye og og gamle medlemmer, og slik har han bidratt sterkt til det gode miljøet i laget. Nokre ord som kan beskrive Martin, er; lojal, pliktoppfyllande, handlekraftig, morsom, pådrivar og ein sann lagspelar. Tusen takk for dei utallige timane du har lagt ned for fellesskapet, Martin. Vi i musikklaget ynskjer deg alt godt for framtida. Samstundes både håpar og trur vi at du vert å sjå i grønt igjen. 

Desse har permisjon denne sesongen: Edward Antrobus, Rune Gundersen, Pia Withington og Trine Villanger.