Festkonsert på Mangerfestivalen

Manger Musikklag har igjen hatt gleda av å vere med på festkonserten under Mangerfestivalen – eit høgdepunkt me ser fram til kvart år! Konserten baud på eit variert og morosamt program under leiing av vår faste dirigent Tormod Flaten, der publikum mellom anna fekk strålande soloinnslag frå principal William Grøv Skramsett til aspirantar som spelte med Musikklaget, som engasjerte både store og små i salen.

For MML er det alltid stas å få spele for eit publikum der både unge og vaksne musikkelskarar møtast, og denne konserten var ikkje noko unntak. Me vil rette ein stor takk og honnør til Manger skulemusikklag, som står bak ein så flott og veldriven festival. Det er imponerande å sjå korleis dei år etter år klarer å skape ei ramme som både inspirerer og samlar musikantar frå heile regionen.

For oss i MML er det ein viktig verdi å stille opp der det er unge musikarar i vekst. Slike møtepunkt gir inspirasjon i begge retningar – og minner oss på kvifor me held på med dette.

Festkonsertar som denne er noko av det viktigaste MML gjer, og ein stor del av oppdraget vårt som vaksenkorps. Å vere til stades, dele musikken og støtte neste generasjon musikantar – det er både meiningsfullt og motiverande.