NMF satsar på kvinnelege dirigentar
- Brynjar
- 10. mai 2017
- 1 min lesing
Norges Musikkorps Forbund (NMF) har lansert programmet "Maestra" som har kvinnelege dirigentar som satsingsområde, og Manger Musikklag er eitt av korpsa som er med i prosjektet.
Maestra er retta mot yngre kvinnelege korpsdirigentar og målet er å få etablert fleire kvinner som dirigentar for dei fremste vaksenkorpsa i landet. Manger Musikklag, saman med Lillestrøm Musikkorps, Musikkforeningen Nidarholm og Sarpsborg Janitsjar er korpsa som er med, og me gler oss til å få våre dirigentar på besøk!
Alle korpsa stiller produksjonar til rådighet og dirigentane i Maestra får fullt musikalsk og kunstnarleg ansvar for desse. Prosjektperioden er mellom hausten 2017 og desember 2018. Er dette noko for deg, eller kjenner du nokon som bør melde seg på?
