Michael Antrobus

I dag hadde Michael Antrobus fylt 80 år, og me minnast han med takksemd og glede. Michael har stor skuld i at brassbandrørsla i Noreg er så sterk som ho er. Som lærar på Manger Folkehøgskule, og dirigent for Manger Musikklag og mellom anna Eikanger-Bjørsvik Musikklag, Stavanger Brassband, Tertnes Brass og Oslofjord Brass har han vore til inspirasjon for fleire generasjonar med brassbandarar i heile landet. I 2002 vart Michael tildelt æresmedlemskap i Musikklaget for det store arbeidet han gjorde medan han var hovuddirigent. Korpset hadde ein enorm positiv utvikling i denne perioden, og Michael var med å forme profilen til MML og er grunnen til at korpset framleis har eit stort fokus på å spele nyskriven musikk for brassband.

Diverre mista me Michael så alt for tidleg. I 2016 var reisa hans slutt, men i dag ville han altså fylt 80 år. Me sender difor ein gratulasjon og eit takk til Michael, og varme tankar og kjærleik til familien hans.