Helga 21.-23. september er det på nytt klart for haustens vakraste eventyr: BrassWind-festivalen, som også i år vert arrangert i den flotte Universitetsaulaen i Bergen.
BrassWind har sidan oppstarten i 2004 etablert seg som ein sentral arena for ny musikk for korpsrørsla, og me er usedvanleg stolte av at festivalen i år vil passere si 100. urframføring.
I tillegg til å vere festivalarrangørar skal Manger Musikklag også halde konsert om laurdagen med dirigent Bjørn Sagstad. Programmet vårt er sett saman av éin urpremiere, éin noregspremiere, éit ensembleverk, i tillegg til nyare stykker og kjente brassklassikarar som var banebrytande då dei kom i si tid. Dette er:
"Ivory Ghosts" - Gavin Higgins. Noregspremiere!
"Circius" - Torstein Aagaard Nilsen
"Trio per Uno - Mvt. 1" - Nebojsa Zivkovic. Slagverkensemble
"Clapp!!!" - Paul McGhee
"Send Fire" - Dan Baczkowski. Urframføring!
"Spectrum" - Gilbert Vinter
Årets festivalprogram femner vidt, og i løpet av BrassWind sine tre dagar får du oppleve både profesjonelle korps og ensembler, solistkonsertar, amatørkorps, skulekorps, med meir.
Aktørane er:
Sjøforsvarets musikkorps, dir. Ingar Heine Bergby
Ensemble Ernst, dir. Thomas Rimul
Manger Musikklag, dir. Bjørn Sagstad
Christian Stene (klarinett)
Midtun Skoles Musikkorps, dir. Christian Breistein
Danseteater frå Os kulturskule, koreograf Patricia Carolina Langeland
Bente Illevold (euphonium) med Anders Kregnes Hansen (slagverk)
Me sjåast i Universitetsaulaen!
Meir informasjon:
